“Бахрейн 2025” Азийн Залуучуудын III наадмын Холимог тулааны спортын шигшээ тулаанууд явагдлаа. Охидын Уламжлалт төрлийн -60 кг-ын финалд шалгарсан Б.Өлзийтнаран Ираны тамирчин Тиам Дехпахлеванд шүүгчдийн саналаар ялагдал хүлээснээр мөнгөн медаль хүртлээ. Тэрээр шөвгийн наймд Киргизстаны тамирчин Абдикеримовыг, хагас шигшээд Казахстаны Телманкызи Хадижаг тус тус буулган авч финалд шалгарсан юм.

Б.Өлзийтнарангийн шигшээ тулааныг МҮОХ-ны Ерөнхий нарийн бичгийн дарга Э.Бадар-Ууган хүрэлцэн ирж үзсэн бөгөөд шагнал гардуулах ёслолын дараа Холимог тулааны баг тамирчидтай уулзан баяр хүргэсэн юм “Женко” клубийн тамирчин Бат-Эрдэнийн ӨЛЗИЙТНАРАН нь 2025 оны 08 дугаар сард Бахрейнд зохион байгуулагдсан Холимог тулааны Азийн Залуучуудын АШТ-ээс хүрэл медаль, 05 дугаар сард Улаанбаатар хотод явагдсан Өсвөр үеийн УАШТ-ээс мөнгөн медалийг тус тус хүртсэн юм.

Бахрейны тэнгэрт Алтан соёмбот Төрийн далбаагаа мандуулсан залуу тамирчиндаа баяр хүргэж дараа дараагийн тэмцээнд нь өндөр амжилтыг хүсэн ерөөе!
МОНГОЛЫН ХОЛИМОГ ТУЛААНЫ ХОЛБОО “ХАМТДАА БИД ЧАДНА” – “TOGETHER WE CAN”