Монголын Холимог Тулааны Холбоо
МХТХ-ны хурлын тэмдэглэл
Монголын Холимог Тулааны Холбоо
Он сар өдөр: 2024 оны 03 сарын 01
Байршил: Спортын төв ордон, Улаанбаатар, Монгол
Цаг хугацаа: 10:00 цаг
- Ирц
Ирсэн:
- П.Ганхуяг, Ерөнхийлөгч
- Г.Дашдаваа, Ерөнхий нарийн бичгийн дарга
- Г.Баярсайхан, Менежер
- Н.Ялалт, УЗ-ийн гишүүн
- Т.Доржханд, УЗ-ийн гишүүн
- Ц.Батцэцэг, Гадаад харилцааны мэргэжилтэн
- Ц.Мөнхсайхан, Шүүгчдийн зөвлөлийн дарга
- Ч.Бат-Амгалан, Шүүгчдийн зөвлөлийн гишүүн
- Ч.Хатантөмөрболд, Тамирчдын зөвлөлийн гишүүн
- Б.Алтанчимэг, Тамирчдын зөвлөлийн гишүүн
Ирээгүй: Байхгүй
- Өмнөх хурлын тэмдэглэлийг батлав
Өмнөх хурлын тэмдэглэлийг уншиж танилцан батлав.
- Тайлан болон Гаргасан гол шийдвэрүүд
- Төсөв батлав: Ирж буй оны холбооны ерөнхий төсвийг хэлэлцэн батлав.
- УАШТ болох цаг хугацаа болон байршил: Өсвөр үе болон Насанд хүрэгчдийн УАШТ 2024 оны 05 сарын 15-наас 18-ны өдрүүдэд Чингэлтэй дүүргийн Биеийн тамир, спорт хорооны зааланд зохион байгуулагдахаар батлав.
- Шүүгчдийн зөвлөл: Шүүгчдийн зөвлөлийн бүтэц, зохион байгуулалт болон хөгжлийн тухай хэлэлцэв. Цаашид шүүгчдийн ур чадварыг сайжруулж, зөвлөлийн үйл ажиллагааг идэвхжүүлэх шат дараатай үйл ажиллагаанууд хэрэгжинэ.
- Тамирчдын зөвлөл: Тамирчдын зөвлөлийн бүтэц болон хөгжлийн тухай хэлэлцэв. Цаашид шийдвэр гаргах үйл явцад тамирчдын дуу хоолойг сонсож, тусгаж байхаар төлөвлөгөө гаргав.
- Олон улсын тэмцээнүүдэд оролцох: Ирж буй онд зохион байгуулагдах олон улсын тэмцээнүүд, тэдгээрт оролцох тамирчдыг сонгон шалгаруулах үйл явц, тавих шаардлага болон бусад холбоотой асуудлуудыг хэлэлцэв. Олон улсын тэмцээнүүдэд өндөр амжилт гаргахын тулд шаардлагатай бэлтгэл ажлуудыг эрчимжүүлж, шат дараатай арга хэмжээ авахад санал нэгдэв.
- Өсвөр үеийн хөгжлийн стратеги: Өсвөр үеийн тамирчдын оролцоог нэмэгдүүлж, тэмцээн, арга хэмжээнүүдэд өргөн хүрээтэй хамруулах тухай шинэ төлөвлөгөөг хэлэлцэв. Төлөвлөгөөний дагуу авьяаслаг залуу тамирчдыг олж илрүүлэх, бэлтгэл хийх орчин нөхцлөөр хангах, өсвөр үе рүү чиглэсэн илүү олон арга хэмжээ, хөтөлбөрүүдийг санаачлах, сурталчлан таниулах арга хэмжээнүүдийг төлөвлөж хэрэгжүүлэхэд санал нэгдэв.
- Инновацын хүрээнд
- Орон нутагт холимог тулааны спортыг хөгжүүлэх төлөвлөгөө: Орон нутагт бэлтгэлийн төвүүд үүсгэн байгуулж, бүс болон аймгийн хэмжээний тэмцээнүүд зохион байгуулах, орон нутагт холимог тулааны спортыг таниулан сурталчлах. Монгол улсын аль аль бүс нутаг, аймгуудад хөгжлийн энэхүү хөтөлбөрийг эхний ээлжинд хийж хэрэгжүүлэх боломжтой талаар судалгаа хийж, үр дүнг танилцуулах.
- Хаалт
Ерөнхийлөгч хурал хаасныг мэдэгдсэнээр хурал өндөрлөв. Дараагийн хурлыг 2025 оны 03 сарын 01-ны өдөр зохион байгуулахаар санал нэгдэв. Хурал 16:00 цагт өндөрлөв.