Холимог тулааны спортоор Спортын мастер болон Олон улсын хэмжээний мастер цолны болзол хангасан тамирчин А.АДЪЯА, Р.ЭРХЭМБАЯР, Н.ТАЙВАН-ЕРТӨНЦ нар үнэмлэх, тэмдгээ Монголын Холимог Тулааны Холбооны Ерөнхий нарийн бичгийн дарга Г.Дашдаваагаас гардан авлаа

Хилийн цэргийн 0303 дугаар ангийн Алтан Шонхор клуб-ийн тамирчин, Увс аймгийн Хяргас сум харьяат Алтангэрэлийн Адъяа нь 2024 оны Холимог тулааны Насанд хүрэгчдийн УАШТ-д түрүүлж, “Шилдэг эрэгтэй тамирчин”-аар тодорсон бол 2025 онд амжилтаа мөн бататгаж -65.8 кг-ын жиндээ ахин аваргалсан юм. Мөн гардан тулааны Ази тив болон ДАШТ-ий хүрэл медаль, “Сонсогчийн алдар” гардан тулааны олон улсын тэмцээний мөнгөн медалийг хүртсэн шилдэг тамирчин юм.

ӨМНӨГОВЬ ЦАГДААГИЙН ГАЗАР-ын дэргэдэх Mongolia ultimax federation холимог тулааны холбооны тамирчин Рэнцэнсэнгийн Эрхэмбаяр нь ОХУ-д зохион байгуулагдсан Холимог тулааны насанд хүрэгчдийн ДАШТ-ээс хүрэл медаль, FCF холбооны холимог тулааны ДАШТ-ий алт, мөнгөн медаль, Кэмпогийн ДАШТ-ий алт, мөнгө, хүрэл медаль, жюү жицүгийн олон улсын тэмцээний хүрэл медалийг хүртсэн амжилтуудыг үзүүлсэн.

Харин “Юлтимакс” холбооны тамирчин, дасгалжуулагч Нарантуяагийн Тайван-Ертөнц нь ОХУ-д явагдсан FCF холбооны холимог тулааны ДАШТ-ий мөнгө, хүрэл медаль, АНУ, Энэтхэг, Гүрж орнуудад явагдсан холимог тулааны олон улсын тэмцээний алт, мөнгөн медаль, Кэмпогийн ДАШТ-ий алт, мөнгө, хүрэл медаль, кикбокс, каратэ, жюү жицүгийн спортын олон улсын тэмцээнүүдэд эх орноо төлөөлөн оролцож алт, мөнгө, хүрэл медаль хүртэж байсан тулааны спортын тэргүүлэх зүтгэлтнүүдийн нэг юм. .

Холимог тулаанаар Спортын мастер болон Олон улсын хэмжээний мастер цолны болзол хангасан шилдэг тамирчдадаа баяр хүргэж, цаашдын замналд нь амжилт ялалтыг хүсэн ерөөе!

МОНГОЛЫН ХОЛИМОГ ТУЛААНЫ ХОЛБОО

“ХАМТДАА БИД ЧАДНА” – “TOGETHER WE CAN”