Монголын Холимог Тулааны Холбооны (МХТХ) Шүүгчдийн зөвлөлөөс Шүүгчийн ур чадварыг сайжруулж чадавхжуулах анхдугаар сургалтыг зохион байгууллаа. Холимог тулааны дэлхийн тэргүүлэх холбоодын нэг ONE Championship-т ажиллаж буй Монголын анхны шүүгч Б.Халиун энэхүү сургалтыг удирдан явуулж, өөрийн мэдлэг туршлагаасаа хуваалцсан юм.

Сургалтад хамрагдсан шүүгчдэд МХТХ-ны Шүүгчдийн зөвлөлийн дарга Ц.Мөнхсайхан сертификат гардуулж ирээдүйн ажил үйлсэд нь амжилт хүслээ. Монголын Холимог Тулааны Холбооноос цаашид холимог тулааны шүүгч болон дасгалжуулагчдын ур чадвар, мэдлэг боловсролыг сайжруулж, хөгжүүлэх зорилгын хүрээнд олон үйл ажиллагаа, төсөл хөтөлбөрүүдийг хэрэгжүүлэхээр зорьж байгаа юм.