Монголын Холимог тулааны спортын хөгжлийн түүхэнд нэгэн шинэ хуудас нээгдэж анхны Олон улсын хэмжээний мастер цолтон төрөн гарлаа. Камбож улсын нийслэл Пномпень хотод 2024 оны 07 сард явагдсан Холимог тулааны Ази тивийн АШТ-д түрүүлж Алтан медаль хүртсэнээр Өвөрхангай аймгийн Баруунбаян-Улаан сумын харьяат, Batu’s Fighters клубийн тамирчин Энхболдын МӨНГӨНШАГАЙ ОУХМ болох болзлыг хангасан юм. Түүний ОУХМ цолны үнэмлэх, тэмдгийг Монголын холимог тулааны холбооны Ерөнхий нарийн бичгийн дарга Г.Дашдаваа гардуулж баяр хүргэн амжилт хүслээ. Монгол улсад Холимог тулааны спортын цол, зэрэг олгох журам өнгөрсөн хавар батлагдаж албан ёсоор хэрэгжиж эхэлсэн юм. Ази тивийн аварга, ОУХМ Э.Мөнгөншагай ирэх 10 сарын 13-16-нд Филиппиний нийслэл Манила хотод “Манила опен” нээлттэй тэмцээн, 11 сарын 05-10-нд Узбекистаны нийслэл Ташкент хотод Насанд хүрэгчдийн ДАШТ-д оролцохоор бэлтгэл сургуулилтаа базааж байна. Шинэхэн Олон улсын хэмжээний мастерынхаа дараа дараагийн тэмцээн уралдаанд нь өндрөөс өндөр амжилт ялалтыг хүсэн ерөөе!

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн

Explore More

ХОЛИМОГ ТУЛААН 2026 ОНЫ АЗИЙН НААДМЫН ХӨТӨЛБӨРТ БАГТЛАА

БНХАУ-ын Харбин хотод явагдсан Азийн Олимпын Зөвлөлийн (OCA) Гүйцэтгэх зөвлөлийн хурлаар Холимог тулааныг (ММА) “Айчи-Нагоя 2026” Азийн наадмын хөтөлбөрт оруулах шийдвэрийг санал нэгтэйгээр баталлаа. 2026 оны 09 сарын 19-нөөс 10

ХОЛИМОГ ТУЛААНЫ ӨСВӨР ҮЕИЙН ДАШТ-Д ОРОЛЦЛОО

Дэлхийн 45 орны 850 гаруй Өсвөрийн шилдэг холимог тулаанчдыг оролцуулсан Холимог тулааны Өсвөр үеийн ДАШТ амжилттай зохион байгуулагдаж өндөрлөлөө. 08 сарын 06-наас 10-ны өдрүүдэд АНЭ улсын нийслэл Абу-Даби хотод явагдсан

Б.ӨЛЗИЙТНАРАН АЗИЙН ЗАЛУУЧУУДЫН НААДМААС МӨНГӨН МЕДАЛЬ ХҮРТЛЭЭ

“Бахрейн 2025” Азийн Залуучуудын III наадмын Холимог тулааны спортын шигшээ тулаанууд явагдлаа. Охидын Уламжлалт төрлийн -60 кг-ын финалд шалгарсан Б.Өлзийтнаран Ираны тамирчин Тиам Дехпахлеванд шүүгчдийн саналаар ялагдал хүлээснээр мөнгөн медаль